Friday, November 9, 2007

VOSAVOSA VAKA-VITI

Oqo e so nai Vosavosa-Vakaviti e dau kilai raraba tu vei keda na i Taukei mai Viti. E da dau kila ni dau vakayagataki vakalevu na veivosavosa oqo ena i vola ni talanoa ka dau lagati talega ena sere me vakamacalataki kina na kedrai balebale. Nuitaki ni ko ni na marautaka na kedra sa mai vakamatatataki sara to oqo e na Fijituwawa.com


Au sa ciciva oti na cere
Na i vosavosa e dau cavuti ni cakacaka taki oti e dua na ka dredre ena dua na gauna balavu. E ra dau cavuta vakawasoma o ira e ra qase cake vei keda se ko ira era sa cakava oti na veika dredre ka ra kila na kena dredre ni rawati e dua na ka. E dau tukuni vei ira e ra se qai tovoleya vakadua ka dau caka me vakayaloqaqataki ira me ra rawata tale ga.



Baca kuita
Vakayagataka na ka e taleitaka me vakagarogaroi kina e dua na tamata. E dau vakayagataki vakalevu na baca kuita vei ira na ika, baleta ni dau yavavala e loma ni wai ka sega ni toka vakamalua. E ra dau totolo sara na nodra ciqoma na ika na baca ka ra mani coko sara kina. E vaka kina o ira e ra sega ni dau yalomatua me ra dau vakarogoca nai vakasala mai vale, ka ra dau lai coko ena nodrai vakavuvuli na tani ka mani yaco vei ira e muri na leqa.


Balolo ni vakananu
Ni dua e dau nanumi koso ga ena dua na ka ni sa vo tu. Na Balolo e kakana ni yabaki ka dau lako ga mai vakadua ena loma ni yabaki. Ni sa vakayagataki oti e da dau qai mai vakananuma toka yani me yacova tale na yabaki ka tarava. E dau qai vakayagataki kina na i vosavosa oqo e na noda nanuma e dua na wekada ni sa vo tu na magiti se kakana.



E na qai vakuri tale yani ......Fijituwawa Research Team

8 comments:

Tusai said...

dou sa bula vinaka saka tale mai na dauniveiqaravi ena website oqoka...au marautaka vakalevu na vei vosavosa vaka viti sa keimami dau bulagoci tiko mai kina, kerekere saka tiko ga yani ke rawa ni ra vakalevu mai me keimami vukei kina na gone ni itaukei keimami vuli tiko ena yunivesiti ni viti e saweni, me vaka ni oqo sa qai matai ni gauna keimami taura kina na lesoni oqoka....
Vinaka vakalevu

Tusai

Unknown said...

Na cava beka na vosavosa vaka viti
"Sa bakata na ivi"

Unknown said...

Na cv beka na siga ca reki na vaida

Hebrew Movement Fiji said...

Vinaka vakalevu na veivakararamataki tiko. Vakanuinui vinaka tiko ena nomuni cakacaka totoka ka talei dina.

Unknown said...

Vinaka saka vakalevu na kena vakararamataki na noda I vosavosa na kawa I taukei😍😍Ni kalouagata saka tiko

Unknown said...

Na cava beka ni balebale ni vula I mamaca?

Unknown said...

Bukete na duruka

Unknown said...

Tiko i bure